Кулибали откри зошто не се преселил во ПСЖ

Калиду Кулибали веќе подолго време е дел од составот на Наполи, тим во кој пристигна во 2014 година од Генк за да за брзо време стане еден од клучните играчи на калчолигашот.

Сенегалецот со своите партии секако го привлече интересен на голем број на тимови, а еден од нив беше и Пари Сен Жермен. Стоперот откри дека имало контакти со „светците“, но Наполи покажал голема љубов кон него и тоа било знак да не инсистира на трансфер и остане во сегашната средина.

-Разговарав со нив и со други клубови. Имаше интерес, но не сакам да зборувам за овие работи. Наполи не ме продаде покажувајќи ја сета своја љубов кон мене.

-Сакам да продолжам со добрите настапи и да бидам меѓу најдобрите дефанзивци во светот. Среќен сум што ПСЖ размислуваше за мене, тоа значи дека ми оди добро и ова е охрабрувачки, -порача Кулибали кој со наполитанците има договор до јуни 2023 година.