Поврзете се со нас

Италија

Кулибали: Нема повеќе изговори, мораме до Топ 4 по секоја цена

Објавено

на

blank

Италијанскиот прволигаш Наполи доживеа елиминација од Лига Европа и покрај тоа што славеше над Гранада со 2-1 во реваншот од 1/16 финалната рунда во ова натпреварување.

Оваа победа на наполитанците беше пирова со оглед на тоа што шпанскиот тим дома славеше чисто со 2-0, па сега ќе има шанса да дојде и до четвртфиналето ако се знае дека ќе ја има фаворитската улога во битката против Молде.

Новиот „пораз“ на Наполи значи сега само се живи во едно натпреварување и тоа во Серија А, па стоперот Калиду Кулибали ја искористи приликата да испрати јасна порака до соиграчите.

-Разочарани сме, можевме повеќе да направиме. Беше тешко по поразот од 2-0 на првата средба, нивниот израмнувачки погодок ни го зема воздухот, ама се обидувавме до крајот. Сакавме да се пласираме понатаму и затоа оваа елиминација е болна. Уште еднаш видовме дека Гранада играше со сите играчи зад топката, -рече Кулибали и додаде:

-Сега нема повеќе изговори. Нашата цел е да се вратиме во Лигата на шампионите и мора да направиме се за да бидеме во Топ 4. Едноставно, тоа е премногу важно за нас, ние мора да бидеме во Топ 4 по секоја цена, -заврши стоперот.

Наполи во Калчото е на 7 позиција со 40 освоени бода.

Реклама
Реклама
Реклама

Популарни