Кукурелја со срамна глума ги разлути играчите на Брентфорд, но и неутралните фанови (Видео)

Марк Кукурелја важи за играч кој има непопуларен статус меѓу колегите во Премиер лигата, а зошто е тоа така добивме потврда и на вчерашниот натпревар на „Стемфорд Бриџ“.

Челси прими гол од Брентфорд и се најде во ситуација да ја брани предноста од 2:1 во самата завршница, период во кој видовме и една неблагодарна глума на Кукурелја.

Левиот бек на Челси симулираше дека добива удар од Јанелт и се струполи на земја, а на оваа негова глума наседна главниот судија Бенкс кој му покажа жолт картон на противникот.

Поради непотребната глупа на Шпанецот, играчите на Брентфорд жестоко се налутија во последните минути и тензијата продолжи и по последниот судиски свиреж, па на крајот втор жолт картон доби и Кукурелја кој сега ќе го пропушти наредниот меч во Премиер лигата.

Црвениот картон пристигна за потег кој не беше поврзан со оној од 96-та минута, но фановите на Премиер лигата сметаат дека е крајно време да се воведе казна во англиската елита за вакви немили епизоди.

Во истиот ден, срамен обид за глума имаше и Кајл Вокер, па слободно може да се каже дека дефанзивците на Сити и Челси се посрамотија со своите постапки.

Глумата на Кукурелја погледнете ја ТУКА