Кубанецот Табоада си заминува од Пелистер и се сели во Данска

Македонскиот ракометен прволигаш Еурофарм Пелистер по крајот на оваа сезона ќе остане без услугите на бекот Реиние Табоада.

Имено Кубанецот ја напушта Битола, Македонија и заминува во данска Фредериција со која договори соработка до 2024 година.

-Данската лига е на високо ниво, треба да бидеш подготвен за секој натпревар. Фредериција е клуб кој напредуваше во последните сезони и мислам дека е добар проект за мене да бидам дел од него. Ќе се борам со тимот да се пласираме во европскте купови и да завршиме на врвот на табелата.

-Моето семејство и јас со нетрпение очекуваме да се преселиме во Фредериција, да играме пред навивачите за кого имам слушнато добри работи, -истакна Табоада кој сезонава во Европската лига има 27 гола и 12 асистенции.