Кубанецот Моралес потпиша нов договор со Вардар

Актуелниот македонски шампион Вардар почна да го гради составот за наредната сезона, па веќе договори четири нови имиња и тоа Павел Андреев, Жилберто Дуарте, Божо Анѓелиќ и Нејц Цехте, но во исто време ја продолжува соработката со дел од досегашните играчи со тоа што најновата вест е поврзана со Куни Моралес.

Интернационалецот од Куба во својата прва сезоната стана еден од милениците на скопската публика која ќе може да ужива во неговите мајстории, партии и во натпреварувачката 2022/2023/.

„Црвено-црните“ и соопштија на јавноста дека Моралес ја прифатил понудата и најмалку уште една година ќе го брани дресот на двократниот европски шампион.

Леворакиот бек постигна 36 гола на 12 натпревари во ЛШ, а во домашното првенство постигна 86 гола во регуларниот дел и во плејофот.