Крвта не е вода: Синот на Кака има идентични фудбалски движења како својот татко (Видео)

Рикардо Кака беше еден од најдобрите играчи во светот на почетокот на новиот милениум и ја доби „Златната топка“ како голема ѕвезда на Милан, а за жал повредите направија неговата кариера да забележи голем пад кога се пресели во Реал Мадрид.

Бразилецот со својата магија и едноставни движења правеше да изгледа максимално елегантно и недопирливо на теренот, па иако минаа речиси две децении од неговите најдобри играчки денови, фудбалските фанови сега се потсетија на неговите потези преку неговиот син.

Бразилските медиуми споделија едно уникатно видео од младинските натпревари во Првата лига, каде синот на Рикардо игра редовно и дефинитивно го привлекол вниманието со речиси идентичните движења како својот татко.

Компилацијата на Лука Леите Кака е направена од само еден натпревар, а за фановите беше доволно да препознаат дека станува збор за син на легендата на Милан.

Лука во овој момент има само 16 години, па сега останува да видиме дали ќе ги следи стапките на Рикардо и ќе добие шанса за докажување во Европа.

El hijo de Kaka es literalmente idéntico a su padre jugando, que puto miedo. Es que hasta se le mueve el pelo igual pic.twitter.com/OZ7pRsZpJL

— Tage (@Tagelca) December 19, 2024