Крос за идните лидери: Цела Германија копнееше за вакви двајца играчи

Тони Крос се повлече од професионалното играње фудбал и им даде простор за докажување на младите сили, како во Реал Мадрид, така и во германската фудбалска репрезентација.

Крос официјално се пензионираше по крајот на Европското првенство во својата родна земја и на достоен начин се прости од националниот дрес, но покрај него, репрезентативна пензија објавија уште тројца клучни играчи како Нојер, Милер и Гундоган.

Сето ова прави да има голема смена на генерации во германската репрезентација, но Крос смета дека „панцирите“ се на добар пат со Јулијан Нагелсман како селектор, но и Мусиала и Вирц како главни ѕвезди.

– Германија со години копнееше по играчи како Џамал Мусиала и Флоријан Вирц. Тие двајца треба да не водат кон големи успеси следните години. Тие треба да бидат клучни за наши победи следниве години.

– Двајцата можат да направат проблеми во акција која не изгледа офанзивна. Германија ќе има успеси на големи натпреварувања ако гледаме добри турнири од Мусиала и Вирц, – вели Крос.