Крос тагна шест ѕвезди на Реал: Вие може да почекате уште една година… (Фото)

„Франс Фудбал“ ги објави 30-ти номинирани кандидати за престижната награда „Златна топка“, а меѓу избраните ѕвезди доминираат членови на Реал Мадрид, клуб кој има шест актуелни претставници и еден поранешен во Тони Крос.

Германецот стави крај на играчката кариера и како активен пензионер е вклучен во трката за најценетото индивидуално издание, па во ситуација кога се наоѓа пред последна шанса да ја освои „Златната топка“, Крос реши да се пошегува со своите поранешни соиграчи.

Непосредно по објавените 30 имиња од страна на францускиот магазин, Крос се јави со реакцијата на социјалните мрежи, тагнувајќи ги шесте фудбалери на Реал кои му се конкуренција за титулата „најдобар светски фудбалер“.

Крос ги издвои Мбапе, Карвахал, Ридигер, Винисиус, Валверд и Белингам, по што на шестмината им порача дека може да почекаат и друга шанса за „Златна топка“.

– Ајде момци. Вие шестмина може да го освоите ова и следната година, – порача Тони, алудирајќи на фактот дека тој има последна прилика да дојде до најпрестижната награда.

Toni Kroos on IG 😂😂 pic.twitter.com/8R1sRTrsu6

— Madrid Xtra (@MadridXtra) September 4, 2024