Кристијано Роналдо денес започна нова кариера – направи бум за еден час

Кристијано Роналдо е еден од најпопуларните спортисти во светот. Неговите профили на социјалните мрежи ги следат стотици милиони луѓе, а сега сите ќе имаат можност дополнително да го следат животот на португалската легенда.

Роналдо денеска одлучи да го отвори својот официјален канал на Јутјуб. По само еден час настана вистински бум откако собра повеќе од милион претплатници.

„Чекањето заврши. Мојот канал на YouTube конечно е тука. Придружете ми се на моето ново патување“, рече Португалецот.

Роналдо веќе објави неколку снимки. Судејќи според виденото, каналот ќе има огромна популарност.

Кристијано наскоро ќе започне и свој подкаст. Се е очигледно подготвено за тоа и ќе видиме дали навистина ќе се случи.

Договорот на Кристијано Роналдо со Ал Наср е до летото следната година. Се чини дека оваа сезона би можела да му биде последна, но не е исклучено кариерата дополнително да биде продолжена.