Кристал Палас откри дека Матета добил 25 конци по хорор стартот на „Селхрст парк“ (Видео)

Жан Филип Матета вчера беше жртва на ужасен старт во ФА Купот и експресно мораше да го напушти теренот, или поточно, фудбалерот на Кристал Палас мораше да биде пренесен во болница.

Лијам Робертс стартуваше со отворена копачка во главата на Матета и му нанесе навистина тежок удар на противникот, па сосема очекувано, голманот на Милвол беше исклучен откако Мајкл Оливер ја прегледа цела ситуација со помош на ВАР.

Овој инцидент предизвика неколкуминутен прекин и донесе многу реакции во англиската јавност, но убедливо најдобра вест е онаа која вели дека Матета веќе е пуштен на домашно лекување.

Кристал Палас извести дека францускиот напаѓач ќе остане под мониторинг на лекарите на клубот во наредните неколку дена, а од целата немила ситуација ќе има и траен белег.

Имено, Матета добил 25 конци во пределот на увото, сето тоа како резултат на расекотината која ја добил од контактот со крампоните на противничкиот голман.

A positive Jean-Philippe Mateta update ℹ️⤵️#CPFC

— Crystal Palace F.C. (@CPFC) March 1, 2025