Криштопанс си оди од ПСЖ, потпиша договор со тим во кој се тројца екс вардарци

Ракометниот џин, како што го нарекуваат, Даинис Криштопанс по неколку сезони поминати во ПСЖ ќе ја промени средината и ќе заигра во најсилната светска ракометна лига, Бундеслигата.

Имено, Летонецот потпиша договор со Мелсунген кој гради амбициозен тим кој ќе има значајна улога во германскиот шампионат.

Некогашниот член на Вардар одново ќе соработува со Рожерио Фереира Мораеш и Глеб Калараш, ракометари со кои ја делеше соблекуваланта во Скопје, а тренер ќе му биде уште еден екс вардарец, Роберто Гарсија Парондо.

Даинис Криштопанс со тимот на Мелсунген потпиша договор со времетраење до 2027 година.