„Кралевите“ имаат план: Реал „мерка“ две ѕвезди за наредното лето

Реал Мадрид не беше претерано активен во летниот преоден рок, но кога ќе донесе играч како Килијан Мбапе кој важи за еден од најдобрите на светот јасно е дека сте завршиле огромна работа особено ако се земе предвид дека тој пристигна без трансфер обештетување.

Клубот од Мадрид по таа формула сака да ангажира квалитетни фудбалери и во 2025 година, засилувања на двете страни на теренот кога се во прашање бековските позиции.

Се работи за Алфонсо Дејвис од Баерн Минхен и  Трент Александер Арнолд од Ливерпул. Со првиот ситуацијата е појасна, Канаѓанецот сака да дојде и наводно веќе ги има договорено личните услови.

Кога е во прашање Трент со него не се знае, може и да остане во сегашната средина, ама Реал ќе притиска да го добие, убеди да слета на „Сантијаго Бернабеу“.

Двајцата ќе добијат бонуси ако пристигнат како слободни агенти, па останува да се види дали ќе се оствари планот на шпанскиот великан.