Крај на летниот кошмар за Белгиецот: Лукаку пристигна на потпис под Везув (Видео)

Ромелу Лукаку ја заврши својата позајмица во Рома и беше приморан да се врати во Челси, клуб кој веднаш му стави до знаење дека е непожелен на тренинзите на првиот тим.

Белгискиот напаѓач се стави во ситуација да има кошмарно лето под водство на Енцо Мареска, менаџер кој реши да одвои 20-тина фудбалери од првиот тим, меѓу кои беше и Лукаку.

Ромелу подолго време тренираше индивидуално и чекаше решавања на целата непријатна ситуација, а сега истата ја дочекува во самата завршница од летниот преоден рок.

Лукаку на крајот повторно ќе има соработка со тренерот со кој има извонреден однос, откако Наполи направи и финални напори за да го донесе на Антонио Конте.

Искусниот напаѓач ова попладне пристигна под Везув и веќе беше пречекан од навивачите на Наполи, кои сега дефинитивно се уверија дека нивни нов центарфорд ќе биде Лукаку.

Повеќе од јасно е дека Ромелу пристигнува како замена за Виктор Осимен, кој пак се очекува да направи трансфер од Наполи во последните два дена од преодниот рок.

📸 Romelu Lukaku has arrived at Ciampino Airport to complete his transfer to Napoli. 🛬🇮🇹 pic.twitter.com/owfAw9S9Zu

— Football View Hub (@FootballViewHub) August 28, 2024