Крај на драмата: Таткото на Луис Дијаз конечно е ослободен од киднаперите (ФОТО)

Таткото на ѕвездата на Ливерпул, Луис Дијаз конечно е на слобода, поточно беше ослободен од киднаперите кои го држеа скоро две недели.

Дијаз сениор и неговата сопруга беа нападнати и киднапирани на 28 октомври и тоа од страна на припадниците на Националната ослободителна армија (ЕЛН). По неколку часа беше ослободена госпоѓата Мураланда, но не и таткото на колумбискиот репрезентативец.

Долго време траеше мисијата за негово спасување за да денеска се стави крај на драмата и тој во моментов е во рацете на хуманитарна комисија составена од Обединетите нации и Католичката црква.

Вооружената група го предала Луис Мануел Дијаз на хуманитарна комисија составена од канцеларијата на Народниот правобранител, Обединетите нации, Католичката црква и делегацијата на Црвениот крст.

Тој со хеликоптер ќе биде пренесен до семејството кое веќе го слави неговото ослободување во родниот град Ла Гуахира.

¡Damos gracias a Dios por la liberación del Sr. Luis Díaz! 🙏🏽Con él ya se encuentran Mons. Francisco Ceballos, obispo de Riohacha y Mons. Héctor Henao, delegado para las relaciones Iglesia-Estado, quienes conformaron la comisión humanitaria encargada de facilitar su liberación. pic.twitter.com/KK6SOvcyca

— Conferencia Episcopal de Colombia (@episcopadocol) November 9, 2023