Крај на црната серија: Габија човек на одлука, Милан му зема мерка на шампионот (ВИДЕО)

Екипата на Милан стави крај на лошата серија на резултати во пресметките со Интер и тоа со славје во дерби средбата од 5. коло во Серија А.

„Црвено-црните“ влегоа во ова соочување со шест порази во низа од градскиот ривал и токму ова беше една од причините „нероаѕурите“ да бидат фаворити во ова соочување, но во ваквите дуели никогаш ништо не се знае, едноставно се претходно се бриша и потврда за тоа е славјето на четата на Фонсека од 2-1.

„Росонерите“ беа конкретни, упорни, знаеја што сакаат и на крајот ги грабнаа трите бода со голот на дефанзивецот Габија во 89 минута.

Претходно во првиот дел Пулишиќ донесе водство за Милан, а Димарко го избриша во 28 минута.

Двата клуба од Милано имаат учинок 2-2-1, вкупно осум бода три помалку од лидерот Торино.