Кожув режираше „слатка одмазда“ и го урна МЗТ во Гевгелија

Кожув претрпе тежок пораз од МЗТ Скопје во финалето во Купот пред три седмици, но денеска успеа да смогне сили и да се реваншира во домашното првенство, без оглед на катастрофалниот старт на мечот.

Гевгеличани го започнаат натпреварот со 0:13 и се чинеше дека „штрковите“ одново ќе запишат убедлива победа во домот на Кожув, но наместо тоа, гледавме враќање од домаќините и на крајот заслужена победа во неизвесна завршница.

Кожув почна да се враќа по ужасниот влез во мечот и намали на „минус четири“ до крајот на првото полувреме, а потоа почна да игра похрабро и на крајот заслужено славеше со 74:71.

Овој пораз не менува ништо за МЗТ кој останува прв на табелата, додека Кожув сега е четврти, прекинувајќи ја серијата од два порази едноподруго.

На останатите средби денеска во Првата лига, Куманово беше подобар од Шкупи си 83:75, додека Тиквеш го победи Чаир 2030 со 84:76.