Кожув ја растури Струмица, Еуро Никел победнички низ Куманово

Екипите на Кожув и Еуро Никел оставрија победи над Струмица и Куманово во денешните пресметки од 13. коло во првата македонска лига.

Кожув под водство на Александар Јончевски ја уништи Струмица со 104-53. Во сите четвртини гостите подобри, а најдобро своите минути ги искористи Гордон кој реализираше 28 кошеви.

Ова за гевгеличани беше петто сезонско славје.

Во Куманово пак домашниот тим беше надигра од Еуро Никел со 72-63. Кумановци правеа се за да го избегнат поразот, ама составот од Кавадарци гоо имаше последниот збор и заслужено се избори за осмиот триумф.

Планиниќ го затвори ова гостување со дабл-дабл ефект од 15 поени и 12 скока, Стојановски имаше 14, Ѓекиќ 11, а Младеновиќ уште десет поени за гостите.

Во домашниот тим, новакот Елијах Џојнер даде 19.поени, Јанески пак беше блиску до двоен скор, 12 поени и 9 скока, но без вистинска кошгетерска логистика од соиграчите.