Поврзете се со нас

Англија

Ковачиќ призна дека сака разделба со Челси и обелодени какво мислење има за клубот кој го посакува

Објавено

на

Foto:twitter.com/ChelseaFC

Матео Ковачиќ во наредниот период ќе мора да се концентрира на случувањата во репрезентацијата и завршниот турнир во Лигата на нации, но уште пред да дојде до тоа, Хрватот се најде во фокусот на англиските таблоиди поради неизвесната иднина.

Играчот за врска веќе пет години е во Лондон и се претвори во многу важен играч за „сините“, но по големата наезда на нови имиња во првиот тим, се верува дека Хрватот нема да добие нов договор и дека ќе биде продаден ова лето.

Ковачиќ на обраќањето пред хрватските новинари призна дека планира да си оди од Челси, но со задоволство говорел и за еден од најголемите ривали во Премиер лигата.

Манчестер Сити се споменува како следна дестинација на хрватскиот фудбалер, кој има само позитивно мислење за составот на Гвардиола.

– Ми преостанува уште една година од договорот со Челси и сите го знаат тоа. Вистината е дека имавме многу лоша сезона и се оди кон тоа дека ќе ја променам средината после пет години. Сепак, ова е фудбал и ќе видиме што ќе се случи.

– Манчестер Сити? Сити е топ клуб и заслужува да биде во финалето во Лигата на шампионите, можам да го кажам само тоа за нив во овој момент. Летото е долго и ќе видиме што ќе се случи, – изјавил Ковачиќ.

Реклама
Реклама
Реклама

Популарни