Ковачиќ оствари незаборавен јубилеј на натпреварот против Македонија: Имав голема чест

Хрватска покажа квалитет на домашен терен и лесно го доби пријателскиот меч против Македонија во Ријека, а триумфот од 3:0 посебно ќе го памети Матео Ковачиќ.

Искусниот играч за врска оствари навистина убав јубилеј на мечот против нашата репрезентација, бидејќи на теренот на „Рујевица“ го заокружи својот 100-ти настап како хрватски репрезентативец.

За да биде уште повпечатливо, Ковачиќ ја носеше и капитенската лента на вчерашниот меч, па по победата посака и прва голема титула како играч на репрерзентацијата.

– Навистина е убаво чувството да одиграте 100 меча носејќи го овој дрес, добив и прилика да бидам капитен. Им благодарам на селекторот и на Перишиќ што ми ја овозможија таа чест.

– Најубав момент во репрезентацијата? Тешко прашање, ми беше нависитна убаво во Катар, но незаборавно е и среброто од Русија. Дај Боже на Европското првенство во Германија да се закитиме со злато. Во првите 100 натпревари немаше златен медал, се надевам дека можеме до такво нешто на Еевропското првенство, – изјавил Ковачиќ.