Костиќ решил да остане во Јувентус, но веќе го загуби дресот со број 11

Филип Костиќ беше еден од фудбалерите кои новиот тренер Тиаго Мота и раководството на Јувентус го ставија на трансфер листата, јасно посочувајќи му нему и на неговиот агент дека треба да си најде нов клуб.

Српскиот интернационалец имаше одредени преговори, наводно беше блиску до трансфер во Саутемптон, но на крајот не добил посакувани гаранции и реши да направи радикален чекор.

Костиќ му соопштил на клубот дека ќе остане во Јувентус и преку тренинзите ќе се обиде да си обезбеди шанса и минутажа кај Мота, нешто што веројатно ќе биде негова идеја барем до следниот преоден рок.

Во меѓувреме, Јувентус веќе го додели дресот со број 11 на засилувањето Нико Гонзалес, кој летово дојде од Фиорентина, па Костиќ и да добие шанса за настап, тоа ќе мора да го направи со друг број.

Најновите информации од Италија велат дека Костиќ привремено ќе биде задолжен со дресот со број 20, што ќе му биде трет број во Јуве, бидејќи во првата сезона го носеше дресот со број 17, а потоа го презема дресот на Хуан Куадрадо.