Костески се врати на терените, Пелистер со моќно второ полувреме до 11. победа во Суперлигата

Ракометарите на Еурофарм Пелистер го потврдија статусот на фаворит и рутински се справија со Струга во рамките на 13. коло во Суперлигата.

Овој меч требаше да се игра во Струга, но поради проблеми во салата „Нико Нестор“ која прокисна, натпреварот се одигра во „Боро Чурлевски“ во Битола. Стружани беа компетитивни во првите 30 минути кои ги завршија со само два негатива (19:17), меѓутоа продолжението беше сосема друга приказна, актуелниот шампион ја стегна одбрана, одигра поефикасно во нападот за конечни на крајот 43-25.

Веста од ова соочување е враќањето на терените на македонскиот репрезентативец Ненад Костески кој ги надмина сите проблеми и со „петка“ се врати во дресот на „зелено-белите“.