Костески ја доби и втората плејоф пресметка со Кукуловски во Чешка

Никола Костески и Талент Плзен поведоа со 2-0 во четвртфиналната плејоф серија против Брно за кого настапува Дејан Кукуловски.

Домаќините беа далеку подобри, подоминатни во вториот меч и истиот го реализираа со 38-22. Плзен доминираше низ сите 60 минути, првото полувреме го доби со 22-11, второто со 16-11 и сега е чекор поблиску до пласман во наредната фаза.

Костески беше автор на пет гола на овој меч, поефикасен кај победникот беше само Доуда со седум голови. Кукуловски пак за Брно даде два погодоци.

Наредната средба од оваа серија е закажана за 1 април.