Костакурта за дербито на „Сан Сиро“: Еден тим не сакаше да загуби, другиот…

Милан и Јувентус ги разочараа фановите со изданието на дерби средбата на „Сан Сиро“ каде не беше постигнат ниту еден гол, а и немаше премногу шанси на двете страни.

„Бјанконерите“ влегоа со доста проблеми во овој натпревар, па се очекуваше Милан да биде поагресивен, повеќе да притисне, ама домаќините беа пасивни и на крајот дури заработија и свирежи од своите навивачи.

Алесандро Костакура низ активната кариера имаше можност да игра многу вакви средби, па смета дека двата состави потфрлиле особено „црвено-црните“.

-Еден тим не сакаше да загуби-тоа е Јувентус. Милан сакаше да победи, но најзагрижувачко е што не се ни приближија до тоа. Јувентус останува тим кој не ризикува многу. Имаше многу очигледни технички грешки, -порача Алесандро за „Скај Спорт Италија“.

Со учинок од 19 бодови по 11 кола, Милан го има најлошиот старт во Серија А од 2020 година.