Костакурта прогнозираше кој ќе ја освои титулата во Серија А

Италијанската фудбалска легенда, Алесандро Костакурта прогнозираше кој ќе ја освои титулата во Серија А.

До крајот има уште девет кола, во игра се 27 бода и многу работи можат да се случат, променат затоа што разликата од првото до третото место е само шест бода.

Интер како бранител на пехарот е во пол позиција со 64 поени, три повеќе од второпласираниот Наполи и шест од Аталанта.

-До пред три месеци, Аталанта се чинеше дека оди кон титулата, бидејќи Интер забави. Пред 20 дена се споменуваше дури и Јувентус. На крајот мислам дека Интер ќе триумфира бидејќи го има најсилниот состав, -порача Костакурта кој многу добро знае како се освојува Скудетото.

Во 30. рунда Интер е домаќин на Удинезе, Наполи на Милан, а Аталанта гостува во Фиренца кај Фиорентина.