Костакурта: Милан не смее да губи лесни натпревари

Екипата на Милан не игра баш најдобро во последно време, па го загуби првото место на табелата во Серија А.

Поради ова многумина со нетрпение очекуваат да видат како „росонерите“ ќе одговорат, дали ќе се вратат на посакуваната патека, а според легендарниот Алесандро Костакурта тоа е возможно само ако направат анализа и да не дозволат повторување на грешките.

-Сега треба да застанат и да погледнат зад рамената каде погрешија и да не дозволат повторно тоа да се случи. Милан не знае како да се соочи со лесните противници. Неодамна загуби од Специја. Факт е дека не е лесно да се освојат бодови против никого во Серија А, но ако имаат високи цели во шампионатот, не смеат да си дозволат да губат бодови на вакви натпревари, -порача јасно и директно Костакурта.

Следен предизвик за „росонерите“ е реваншот со Црвена Звезда во ЛЕ, додека пак потоа следи дербито со Рома во Серија А.