Костакурта го подбра Леао: Никогаш нема да биде шампион

Милан успеа да ја победи Монца во натпревар на кој Рафаел Леао повторно не беше стартер за „росонерите“, а по кој тренерот Пауло Фонсека испрати пофални зборови за Португалецот.

Леао не ги искористи своите шанси да постигне гол, а неговиот настап предизвикал нова дебата и во студиото на „Скај Спорт Италија“.

Поранешната ѕвезда на Милан, Алесандро Костакурта не е голем фан на Леао, па повторно го критикувал по дуелот со Монца.

– Леао се однесува на ист начин веќе 5 години, никогаш не се промени.

– Факт е дека е важен играч, но многу често не прави разлика на теренот. За мене тој не е незаменлив, ако зборуваме за класи, за мене тој не е шампион и никогаш нема да биде шампион, – рекол Костакурта.