Кошаркарскиот свет во тага: Почина легендарниот Џери Слоун

Легендата на Чикаго Булс и Јута Џез, Џери Слоун почина денеска во 78-година од својот живот.

Тој е човекот кој најголемиот дел од својот живот и го посвети на кошарката, прво кратко играше за Балтимор Булетс (сегашен Вашингтон Визардс) за да потоа настапува во Чикаго Булс, клуб во кој ја заврши кариерата и отвори ново поглавје како асистент и потоа тренер на првата екипа.

Потоа замина во Јута Џез каде беше активен од 1985 до 2011 година, го преводеше клубот до 15 последнователни учества во плејофот, меѓутоа не успеа да му донесе титула-најблиску беше во сезоната 1997 и 1998, ама пред него и пред „џезерите“ застана големиот Мајкл Џордан и Чикаго Булс.

Слоун од 2015 година се бореше со Паркисоновата болест и му беше потребна 24-часовна грижа. Ситуацијата во изминатиов период се влошила, дошло до компликации и Џери ја загубил битката.

Оствари вкупно 1223 победи во кариерата и е на четвртото место по бројот на триумфи во историјата на НБА лигата со тоа што тој и Грег Попович се единствените кои имаат над 1000 триумфи со една екипа.