Коронавирусот одложи две средби од кошаркарското првенство

Викенд во колото во македонското кошаркарско првенство ќе биде посиромашно за два натпревара, кои се одложени поради позитивни тестови на ковид-19 во екипите учесници.

Комесарот за натпреварување Александар Милојевиќ најпрвин го одложи дуелот меѓу Феникс и Пелистер, за нешто подоцна да стане јасно дека викендов нема да играат и Ангели и Работнички.

Македонската кошаркарска федерација потврди дека Работнички пријавил четири позитивни случаи во ростерот, па оваа средба ќе биде одиграна во термин кој ќе им одговара на двата тима и ќе биде дополнително потврден.

Според најновите случувања, утре на распоредот остануваат средбите Навико Академија ФМП-Кожув, ТФТ-Куманово, Гостивар-МЗТ Скопје Уни Банка и МЗТ Скопје-Еуро Никел.

Натпреварот меѓу Феникс и Пелистер е презакажан за 2. март од 20:30 часот.