Контроверзен момент и многу тензија во Памплона: Осасуна израмни против Атлетико, судијата ги разбесни домаќините (Видео)

Осасуна израмни на 1:1 против Атлетико Мадрид во 76-та минута, но на крајот овој гол не беше запишан на семафорот поради контроверзната одлука која ја донесе главниот судија.

Домашните играчи и навивачи жестоко протестираа на случувањата во период од неколку минути, бидејќи судијата Мунуера виде фаул во напад од Ороз, иако претходно Хименез беше тој кој го туркаше со раце фудбалерот на Осасуна.

Поради користењето на физичка сила од страна на стоперот, Ороз несакајќи го удри Витсел со рака, па судијата процени дека има доволно елементи за да го поништи израмнувачкиот гол на Осасуна.

Ова ги разбесни сите во домашниот табор, а тренерот Арасате беше убедливо најгласен и доби директен црвен картон. Тука не заврши крајот на тензијата, бидејќи Атлетико веќе во следниот напад зголеми на 0:2 и го реши прашањето околу победникот, а до крајот видовме уште една мешаница.

Чими Авилја и Алваро Мората поради недисциплина беа испратени на предвремено туширање, првиот поради директен црвен, а Алваро поради втор жолт картон.

No se puede escudar en el empujón para soltarle la mano a Witsel. Están forcejeando todos y es evidente que le da en la cara pic.twitter.com/27mu5iPpJr

— David Izquierdo 🏖🏳️‍🌈 (@elhijodelucas) September 28, 2023

HIGHLIGHTS: #OsasunaAtleti 0-2

Griezmann and Riquelme on the scoresheet in Atleti win!#LALIGAEASPORTS | #LALIGAHighlights pic.twitter.com/DZ05lHRQrU

— LALIGA English (@LaLigaEN) September 28, 2023