Конте: Разочарувачки е што загубивме четири бода на „Олимпико“

Наполи повторно беше многу блиску до победа на „Олимпико“, но слично како против Рома пред две недели, тимот на Антонио Конте прими гол во завршницата и од Лацио.

Во период од 15 дена, лидерот во Серија А во два наврати испушташе победи на гостувањето во Рим, а бидејќи неговиот тим влезе во низа од три реми средби едно по друго, Интер вечерва има шанса да избие на првото место во Серија А.

– Не е лесно да се игра против Лацио, но секако дека има горчлив вкус по ваков исход. Ова е разочарувачки за нас, бидејќи загубивме четири бода на нашите две последни гостувања на „Олимпико“.

– Загубивме четири бода во самите завршници против два силни противници. Нашиот тим е квалитетен и тешко е некој да не победи, но дефинитивно имаме горчлив вкус во устите после два идентични исходи.

Рома на 2-ри февруари израмни против Наполи во судиското продолжение (1:1), додека вчера Диа израмни на 2:2 во 87-та минута.