Конте притиска за ангажман на фудбалер на Милан уште во јануари

Еден од најугледните медиуми на Островот, „Скај Спортс“ пренесува дека Тотенхем во јануарскиот преоден рок би можел да се засили со фудбалер на Милан.

Наводно, Антонио Конте бил голем обожавател на играта на Франк Кеси кого ќе се обидел да го ангажира во јануарскиот преоден рок.

Претставници на Тотенхем веќе биле во преговори со агентите на репрезентативецот на Брегот на Слоновата коска за негов трансфер како слободен агент во летниот преоден рок.

Сепак, доколку се ослободат од Тангуј Ендомбеле, од таборот на Тотенхем ќе бидат подготвени да издвојат и одредена сума која би ја понудиле до Милан за да биде ослободен Кеси уште во јануари.

25 годишниот Кеси игра редовно во тимот на Милан оваа сезона и веќе има постигнато пет голови за „росонерите“.