Koнте откри која му е најголема грешка во тренерската кариера: Зажалив за тоа што го направив

Антонио Конте веќе некое време е без тренерски ангажман, обврски и тоа откако си замина од редовите на премиерлигашот Тотенхем.

Неговото име во изминатиов период често се поврзува со одредени клубови, меѓутоа нема ништо конкретно, официјално и Италијанецот во овој момент му е посветен на семејството.

Тој дефинитивно имал можност да се врати на својата работи, но решил да ја одбие богатата понуда од Саудиска Арабија. Воедно Конте призна дека дека и до ден денеска жали за еден негов потег, одлуката да си замине од Јувентус во 2014 година.

-Одбив огромен понуда од Саудиска Арабија – решив да кажам не. Зажалив што го напуштив Јувентус по само три години. Би сакал еден ден да пробам искуство во Рома или Наполи, но обично претпочитам да се приклучам на крајот на сезоната, -порачал стратегот за „Белве“.