Конте откри кои два италијански тима сака да ги води во иднина: Се надевам дека ќе го искусам тоа

Антонио Конте беше дел од натпреварот на легендите кој се одигра во Торино минатата недела, па оттогаш, фантастичниот фудбалски стручњак одработи неколку интервјуа за медиумите.

Причина за тоа е поврзаноста со Наполи и преговорите кои ги водеше со Аурелио Де Лаурентис, кои иако резултираа неповолно за газдата на италијанскиот првак, сепак не се означени како конечни за во иднина.

Конте го одби Наполи во овој момент бидејќи е максимално посветен на своето семејство, но и поради тоа што нема во пракса да презема тим со кој не одработил летни подготовки.

Говорејќи за „Кориере дела Сера“, Конте откри дека Наполи е еден од двата италијански тима кои сака да ги води во иднина, пред се поради неверојатната поддршка од нивните навивачи.

– Наполи и Рома се клубовите во кои сакам да бидам и кои сакам да ги искусам поради страста на навивачите. Се надевам дека еден ден ќе го искусам тоа. Вообичаено не сакам да преземам тим на средина на сезона, бидејќи потоа одговарам за работи кои се случиле пред мене, – гласи изјавата на Конте.