Конте не доби ни едно засилување од Леви, би можел да си оди од Тотенхем

Англиските медиуми пренесуваат дека Антонио Конте бил доста бесен на управата на Тотенхем и првиот човек на клубот кои не му излегле во пресрет и досега не му донеле ниту едно засилување

„Петлите“ беа главни фаворити за ангажман на Адама Траоре од Вулверхемптон, меѓутоа на крај ќе останат со празни раце откако изненадувачки беше договорено фудбалерот да се врати во Барселона.

„Каталонците“ ќе го добијат Траоре на шестмесечна позајмица со право целосно да го откупат неговиот договор за сума од 30 милиони фунти по крајот на оваа сезона.

Тотенхем пак понудил само 15 милиони фунти за да го ангажира Траоре, а оваа понуда веднаш била одбиена од страна на раководството на „волците“.

Англискиот клуб се поврзуваше со јануарски ангажман и на Луиз Дијаз од Порто и Франк Кеси од Милан, трансфери кои се можни до крајот на преодениот рок.

Доколку и тие не се остварат и Тотенхем не ангажира ниту еден фудбалер, англиските медиуми најавуваат дека голема е веројатноста Антонио Конте да го напушти клубот.