Конте и Тотенхем го загубија трпението, експресно договараат фудбалер на Јувентус

Дејан Кулушевски наскоро ќе се соочи со нов предизвик во фудбалската кариера, бидејќи италијанските медиуми тврдат дека тренерот на Јувентус, Макс Алегри, дал зелено светло за негова продажба во овој преоден рок.

Беше нејасно дали повредата на Федерико Киеза ќе ја елиминира опцијата за заминување на Кулушевски, но Швеѓанецот со македонско потекло сега е не излезна врата во торинскиот клуб.

Најновата вест која ја пренесоа добро информираните новинари велат дека Јувентус има конкретни преговори со Фабио Паратичи, односно Тотенхем и само детали го делат Кулушевски од преселба во Лондон.

Можеби тој не беше прв избор на Антонио Конте, но откако пропаднаа неколку други опции, Тотенхем повторно се завртел кон Кулушевски и ќе се обиде експресно да ја заврши работата.

Паратичи го доведе шведскиот репрезентативец од Аталанта во Јувентус и добро ги познава неговите квалитети, а тоа важи и за Конте кој претходните две сезони го водеше Интер.