Конте едноставно објасни зошто има проблеми да доведе квалитетни засилувања во Наполи

Антонио Конте го прифати предизвикот да го води Наполи по ужасната сезона која ја остави тимот зад себе, но сигурно не веруваше дека лошата позиција на табелата ќе се одрази толку лошо на трансфер пазарот.

Наполи се мачи да го продаде Виктор Осимен и да ги добие потребните пари за поквалитетни засилувања, но сега самиот Конте признава дека многу потешко е да убедиш големи имиња кога тимот не игра во Европа.

Наполитанците во досегашниот тек на преодниот рок донесоа тројца дефанзивци во Спинацила, Марин и Бонџорно, меѓутоа Конте вели дека треба да се засилат и на други позиции.

– Знаев каква е ситуацијата кога доојдов и го прифатив тоа. Знаев дека ќе бидеме лимитирани на трансфер пазарот кога се во прашање платите на големите играчи.

– Наједноставен проблем е тоа што играчите сега не сакаат да дојдат кај нас бидејќи не играме во Европа. И покрај тоа, правиме се за да до направиме најдобриот Наполи што можеме. Се обидуваме да го засилиме тимот, бидејќи навистина ни е потребно тоа. Не знам што ќе се случи до крајот, но веќе се соочивме со реалноста, – изјавил Конте по ремито со Модена (0:0), односно победата во пенал рулетот.