Консеисао за својот статус во Милан: Секој ден се споменува нов тренер кој ќе ме замени

Серџо Консеисао го освои Супер купот со Милан, но послабите резултати на следните дуели донесоа шпекулации за негов отказ и тврдења дека тој нема да ги води „росонерите“ и следната сезона.

Португалецот гостувал на фудбалски настан во Коимбра за време на актуелната пауза на клупските натпреварувања и таму споделил детали за тоа зошто ја прифатил понудата на Милан и кои се неговите амбиции.

– Сакав да работам во некоја од најсилните европски лиги, мојот сон е да ја освојам Лигата на шампионите и затоа дојдов во тим со историја каква што има Милан.

– Знаев дека нема да биде лесно, дека од мене ќе се бара победа на секој натпревар, но не можеш да одбиеш понуда од толку голем клуб.

– Во период од еден месец одигравме девет натпревари, едвај наоѓаме време за тренинзи, што ми ја отежнува работата да се наметнам со мојот стил кај фудбалерите. Откако го освоивме Супер купот, ремизиравме со Калјари поради индивидуална грешка, која секогаш може да се случи. Оттогаш, секој ден некој различен тренер се поврзува со клупата на Милан, – рекол Консеисао.