Консеисао: Тео знае дека го оштети Милан, но…

Милан утре ќе ја има првата можност за реакција по елиминацијата од Феенорд во Лигата на шампионите, соочување со Торино на нашиот репрезентативец Елиф Елмас.

Средбата е закажана од 18 часот, а пред истата доста се говореше/говори за Тео Ернандес кој за многумина е директен виновник за крајот на Милан во елитното натпреварување со оглед на тоа што доби два евтини жолти картони и го остави тимот со десетмина на теренот, ситуација која клубот од Ротердам ја искористи, дојде до погодок за 1-1 и место во осминафиналето.

Французинот доби доста критики, меѓутоа без разлика на се тренерот Сержо Консеисао има максимална доверба во него и најави дека дефанзивецот утре ќе игра против „биковите“.

-За Тео, можам да кажам дека сакам прашања за фудбалот, а не за косата. За мене е доволно што се професионалци и даваат се за клубот. Зборував за тоа на крајот од натпреварот: Тео е предност за клубот, тој во минатото им донесе радост на навивачите.

-Тој знае дека направи нешто што го стави тимот во тешка позиција, а ние разговаравме за тоа во соблекувалната. И јас правев грешки… Тој е еден од играчите на располагање да игра утре, да ви одговоравм на прашањето, -порача Португалецот.