Поврзете се со нас

Италија

Консеисао со јасно барање до своите фудбалери: Постои само една гаранција за освојување бодови

Објавено

на

Foto:x.com/acmilan

Сержо Консеисао ја дочека првата победа како тренер на Милан во Лигата на шампиони, а воедно тоа се покажа како прв натпревар на кој неговиот тим сочува „чиста мрежа“.

„Росонерите“ со минимални 1:0 ја победија Џирона и тоа беше доволно за нови три бода во најелитното европско натпреварување, во кое Милан сега врза серија од пет триумфи во низа.

Тоа носи големо задоволство кај навивачите и самите играчи, но Консеисао не дозовлува време за опуштање и вели дека овој тим се уште треба да се гради.

– Во првото полувреме игравме вертикално и можевме да постигнеме повеќе голови, но потоа се насочивме кон бранење на резултатот. Почувствувавме страв и Џирона можеше да не казни со притисокот на стартот на вториот дел. Се исплашивме од израмнување и не одевме по втор гол, тоа е една од работите на кои мора да работиме.

– Не примивме гол и тоа е добра вест за нас како тим, мора да бидеме солидни и компактни како колектив. Има моменти кога не може да ја имате топката, но тогаш треба да размислуваме исто и да се браниме со сите сили. Првпат не примаме гол откако сум тука, но тоа треба да ни стане навика. Тоа е основата за еден успешен фудбалски тим, ако не примите гол, тоа е гаранција за освојување бодови, – порачува Консеисао.

Advertisement
Advertisement

Италија

Advertisement

Популарни