Консеисао: Првата цел ја остваривме, втората е…

Милан е гостин на Динамо Загреб во Лигата на шампионите, меч на кој калчолигашот е фаворит и во кој бара резултат кој ќе му овозможи да остане во Топ 8 и со тоа избегне дополнителна елиминациска рунда во елитното натпреварување.

Меѓутоа секој натпревар е посебен и во кој мора да се докажете, а „росонерите“ немаат идеална подготовка за тоа што тренирале само 40 минути.

-Денеска имавме 40 минути на теренот со целата група. За мене тоа не е идеално, но тоа веќе го знаевме. Анализиравме и ќе се обидеме да одиграме добар натпревар и да победиме, -рече тренерот Сержо Консеисао кој запрашан за тоа дали ќе го одмара Алваро Мората со оглед на тоа што престои дербито со Милан, тој јасно посочи на што сега е ставен главниот фокус.

-Го разбирам прашањето, но мора да размислуваме натпревар по натпревар. Не давам предвидувања за два натпревари однапред, тоа не е добро. Кога го правиме тоа, резултатите не се добри. Мора да се фокусираме на Динамо Загреб што е важно за да ја оствариме нашата втора цел. Првата беше да го освоиме Суперкупот и тоа добро го направивме. Вториот е да завршиме меѓу осумте најдобри во Лигата на шампионите.

-Ќе размислуваме за дербито од четврток, веќе кога ќе се вратиме дома во авионот. Остануваат уште многу натпревари, целта засега е да завршиме меѓу четирите најдобри во лигата, -рече Португалецот.