Консеисао откри дека им држел лекции на играчите на Милан на полувреме: Не дојдов тука за да стекнам пријатели!

Сержо Консеисао не можеше да замисли подобро деби како тренер на Милан, од една страна поради фактот што оствари дерби победа против Јувентус, но и поради тоа што до триумф се дојде со пресврт во вториот дел.

„Росонерите“ прикажаа две различни лица на првиот меч со новиот тренер, но она далеку подоброто во вториот дел беше доволно за пресврт и победа од 2:1.

Тоа му донесе доволно добра причина за радост на поранешниот тренер на Порто, кој како познат човек кој лесно знае да избувне на клупата, самиот реши да открие дека бил посебно лут и нервозен на паузата меѓу двете полувремиња во Ријад.

– За време на паузата во соблекувалната не ми поделив бакнежи и прегратки на моите фудбалери. Всушност, бев прилично лут и бесен, тие не го правеа она што се договоривме и она што го подготвувавме.

– На фудбалерите понекогаш им се потребни убави зборови, но понекогаш им се потребни и тешки зборови. Ќе бидам искрен, јас не сум најљубезниот и најдобриот тренер кој сака да ги прегрнува своите фудбалери. Почесто сум нервозен отколку весел. Среќен сум што тимот ја сфати мојата порака, ја прифатија и одговорија позитивно на теренот. Очигледно брзо сфатија дека не сум тренер кој не се насмевнува лесно, јас не дојдов тука да стекнам пријатели, дојдов тука за да победувам, – порачува Португалецот.