Консеисао: Играчите беа магични, можеме да го однесеме Милан каде што заслужува да биде

Милан со огромен пресврт успеа да слави над Интер и да го освои пехарот во Супер Купот на Италија што се играше во Саудиска Арабија.

„Росонерите“ имаа негатива од два гола воо второто полувреме, меѓутоа не се откажаа, вистинскии одговорија на овој предизвик и со погодоците на Ернандес, Пулишиќ и Ејбрахам дојдоа до триумф од 3-2.

-Многу сум среќен за играчите, бидејќи не беше лесно. Атмосферата не беше најдобра кога пристигнав, немаше многу време да се работи на деталите пред овие два натпревари и игравме против две екипи од највисоко ниво. Играчите беа магични, апсорбираа се што разговаравме и јасно е дека има работи што треба да ги подобриме, но тие се свесни за тоа. Чувствувам дека со понизност, можеме да имаме одлични месеци заедно во Лигата на шампионите, Серија А и да го однесеме Милан каде што заслужува да биде. Сега сме среќни, славиме и од утре ќе почнеме да се фокусираме на Каљари -рече тренерот Сержо Консеисао и додаде:

-Имаше неколку работи што моравме да ги прилагодиме и кога се браневме и кога напаѓавме, но беше тежок удар што примивме два гола. Сепак, тоа значи дека тимот има карактер, бидејќи успеа двапати да направи пресврт и да победи големи екипи. Тренерот мора да направи корекции во текот на натпреварот, тоа е она за што ме плаќаа, -истакна стратегот кој воедно смета дека Рафаел Леао може да биде најдобар играч на светот.

-Леао е феноменален. Го познавам долго време, тој е Португалец како мене, но е поопуштен Португалец, јас сум понапнат. Треба да научи неколку работи и тогаш верувам дека може да стане најдобар играч на светот. Му го кажав и ова, тој има многу индивидуален квалитет и ако го стави во служба на тимот, може да биде уште подобар. Не се сомневам, може да стане најдобар во светот следната сезона ако ги научи тие работи, -подвлече новиот преводник на „росонерите“.