Консеисао го освои првиот трофеј после само една недела, па режираше шоу за паметење во соблекувалната (Видео)

Сержо Консеисао чекаше само една недела пред да го освои првиот трофеј како тренер на Милан, блесок кој направи португалскиот стручњак експресно да се претвори во омилен лик меѓу „росонерите“.

Милан во период од неколку дена направи два извонредни пресврти против лути ривали од домашното првенство, но овој вториот против Интер беше навистина брилијантен поради тоа што стануваше збор за големо финале.

По пресвртот против Јуве во полуфиналето, Милан се враќаше во Ријад и вчера во финалето со Интер, и тоа откако на стартот на вториот дел имаше негатива од 2:0.

Избраниците на Консеисао останаа прибрани и беа доволно лукави за да се вратат и да направат пресврт, а по победата од 2:3, шоуто во соблекувалната го украл токму Сержо.

Португалецот беше познат по тоа што титулите во Порто ги слави со пури во устата, па таков е случајот и сега, бидејќи Милан долови како Сержо со голема цигара го слави новиот Суперкуп трофеј на клубот.

Oi, oi, oi 🕺#InterMilan #SempreMilan pic.twitter.com/4sU4tnqwMz

— AC Milan (@acmilan) January 6, 2025