Консеисао го демантира својот портпарол: Нема вистина во тоа што е објавено за мене

Тренерот на Милан, Серџо Консеисао, се најде во невообичаена ситуација, односно мораше да ги демантира зборовите искажани од неговиот личен портпарол.

Претставникот на Португалецот истакнал пред медиумите дека тренерот е незадоволен од клупската инфраструктура, лошата физичка подготвеност на фудбалерите, па и недостаток на амбиции меѓу најзвучните имиња. Исто така, Консеисао бил незадоволен од недостиг од поддршка од менаџментот и фактот што првиот човек Џери Кардинале ретко е во Италија.

Денеска, Консеисао во изјава за „Газета дело Спорт“ тврди дека ништо од тоа што се пишувало за него не е точно, а медиумите тврдат дека тоа е резултат на средбата меѓу двете страни одржана синоќа.

– Ништо од наведеното не е точно.

– Точно е дека ми е тешко поради актуелната ситуација во Милан, но ништо од објавеното не е вистина. Клубот е секогаш зад мене и знам дека ме поддржува, – рекол Консеисао.