Компани за отсуството на Кејн: Поинаку ќе ги решиме работите, имаме играчи…

Баерн Минхен е домаќин за Баер Леверкузе во дерби соочувањето во осминафиналето на Купот на Германија, меч на кој баварците одново нема да можат да сметаат на најдобриот стрелец Хари Кејн.

Кејн е повреден и ќе отсуствува некое време со тоа што според тренерот Венсан Компани голгетерот може да се врати на терените до крајот на годината.

-Постои можност тој повторно да игра оваа година. Дефинитивно ќе пропушти неколку натпревари. Не можете да го замените во ситуации еден на еден. Тој е врвен играч, -рече Компани кој говореше и за можните решенија.

-Поинаку ќе ги решиме работите. Утре нема да ни фали талент. Имаме неколку опции-Милер, Тел, Гнабри… Хари постигна 20 гола. Не можете тоа да го надокнадите. Но, имаме играчи кои можат да постигнуваат голови, -порача тренерот на Баерн.

Средбата меѓу Баерн и Леверкузен е закажана за 20:45 часот.