Компани за критиките по киксот на Баерн: Најважни се бројките на крајот на сезоната

Венсан Компани го заштитил својот тим по вчерашното реми со Унион Берлин, а не сакал да ја префрли вината за неуспехот и на голманот Урбин, кој направи грешка и му подари погодок на противникот.

На белгискиот стручњак очигледно му досадија критиките кои доаѓаат од германската јавност во различни ситуации, па порачал дека треба да се почека за анализи по крајот на сезоната.

– Тука сум седум месеци и се повторуваат истите работи.

– На почетокот велеа дека не можеме да ги победиме големите екипи, а откако ги победивме, истите тие тврдеа дека тоа сепак не се толку силни противници.

– Откако направивме грешка против два тима од долниот дел на табелата, стигна нов бран критики. Најважни се бројките на крајот на сезоната, – изјавил Компани.