Компани со јасна математика: Мора да почнеме да победуваме ако сакаме Топ 8 пласман

Баерн Минхен ќе се обиде да го заборави убедливиот пораз од Барселона и утре против Бенфика да им се врати на победите во Лигата на шампионите.

Избраниците на Венсан Компани повторно имаат незгоден противник и редовен учесник во најелитното европско натпреварување, а белгискиот стручњак вели дека математиката е многу јасна во однос на исполнувањето на амбициите на својот клуб.

– Ситуацијата е јасна, потребни се шест победи за сигурен пласман во Топ 8, додека три победи се доволни за место во плејофот.

– Нашата цел е да бидеме во првата осумка, досега победивме само еднаш, што јасно навестува што ни е императив на утрешниот дуел.

– Не сакам да размислувам за следните дуели, најважно е да победиме против Бенфика, а потоа има уште доста натпревари до јануари, – изјавил Компани.

Баерн ја пречекува Бенфика на „Алијанц Арена“ утре од 21 часот.