Компани со две засилувања, но без Нојер ќе брка победа во Милано (Фото)

Германските медиуми на големо пишуваа за можното враќање на Мануел Нојер за клучниот реванш против Интер во четвртфиналето во Лигата на шампионите, но конечната проценка на лекарите е дека капитенот не е доволно подготвен за настап, што прави да биде недостапен за Венсан Компани.

Поради тоа, тренерот на Баерн Минхен не го вклучи голманот во официјалниот список од 22 повикани фудбалери, но сепак голманот отпатувал со тимот во Милано, се со цел да им даде морална поддршка на своите соиграчи.

Баерн се најде во огромни проблеми поради повреди на клучни стартери и загуби на првиот меч со Интер на домашен терен со резултат 1:2, па утре ќе брка голем пресврт на „Џузепе Меаца“.

Баварците се убедени дека можат да направат пресврт и со осетно ослабен тим, а мотивацијата е огромна поради фактот што оваа година финалето во Лигата на шампиони се игра на „Алијанц арена“.

За разлика од првиот натпревар кој се одигра пред седум дена, Компани сега во составот ќе ги има Александар Павловиќ и Кингсли Коман, што значи дека ќе има повеќе комбинации за избор на стартната постава.

Инаку, покрај Нојер, од сигурните стартери во комбинација не се и Џамал Мусиала и Алфонсо Дејвис кои заработија потешки повреди.

Bayern squad travelling to Milan. #UCL pic.twitter.com/HYi1HOfdtH

— Bayern & Germany (@iMiaSanMia) April 15, 2025