„Комити“ испратија закана: Последна опомена до новата управа! (Фото)

Вардар прерпе стуктурни промени во текот на ова лето и доби нова управа, но како што стојат работите, последните случувања во клубот и одлуките кои придонесоа да си замине тренерот Горазд Михајлов направија да има големо незадоволство кај фан базата.

„Црвено-црните“ победија минатото коло во драматична завршница со Пелистер, но денеска го претрпеа вториот пораз во третото коло, и тоа доста болен од градскиот ривал Шкупи.

Тимот од Чаир доста лесно славеше со 3:0 против бледиот Вардар, а тоа изнуди реакција од навивачката група „Комити“ која брзо почна да реагира против новата управа.

„Комитите“ беа оние кои го водеа клубот во двете тешки сезони, па во ситуацијата кога навивачката група и натаму е тело кое се уште е дел од оперативното функционирање, испрати директна закана до управата.

– РИБАТА СМРДИ ОД ГЛАВАТА, ПОСЛЕДНА ОПОМЕНА ЗА УПРАВАТА!