Комисо повторно го „поздрави“ Јувентус: Инвестиравме само 15 милиони, а нашите напаѓачи…

Претседателот и сопственик на Фиорентина, Роко Комисо, на последната прес-конференција зборувал за иднината на клубот, потврдувајќи дека Винченцо Италијано ќе остане на тренерската позиција.

Финалистот на Копа Италија и Конференциската лига планира засилувања во летниот преоден рок, а задача на тренерот и спортскиот директор ќе биде да обезбедат квалитетни играчи кои нема да бидат голем товар на буџетот.

Стратегијата на тимот од Фиренца е потврдена и од Комисо, кој уште еднаш го „закачи“ Јувентус поради инвестираните 135 милиони евра во Федерико Киеза и Душан Влаховиќ.

– За Киеза и Влаховиќ заработивме 135 милиони евра, додека за Јовиќ и Кабрал плативме 15 милиони евра.

– Напаѓачите на Јувентус постигнаа 15, а нашите 28 гола во текот на последната сезона. Ако можам, секој ден би правел вакви зделки и инвестиции во нови фудбалери, – рекол Комисо.

– Многумина ќе речат дека сезоната не била добра, но јас не се сложувам. Загубивме во финалето на Купот, но и дотаму треба да се дојде, дали мислите дека Аталанта, Лацио и Јувентус беа подобри од нас? Што направи Рома во италијанскиот Куп? – прашува Комисо.